Antonio da Ponte

Si Antonio da Ponte (1512–1597) sarong Venetianong arkitekto asin inhenyero, na nabantog huli kan pagsulit niya kan Tulay Rialto sa Venice.

Si Antonio Da Ponte iyo an pamayong arkitekto sa paghirahay asin pagsulit kan Palasyo Ducal na labis naraot sa kasulo kan 1574.^[1] Sa pag'ultan nin 1588 asin 1591 si da Ponte pigsulit niya an Tulay Rialto sa sarong desenyo na igwa siyang kontribusyon.^[1]

An desenyo napili sa sarong pakontes kan 1587 na pigbunsod kan mga lokal na autoridad sa pagboot ni Doge nin Venice Pasquale Cicogna.

Sa konstruksyon kan proyektong ini, siya tinabangan kan saiyang sobrinong si Antonio Contino, na iyo man ngapit an madesenyo kan Tulay nin Sighs (Ponte dei Sospiri). Kan 1841, an Parisyanong arkitektong si Antoine Rondelet nagsurat kan makasuspetsang pagkaaragid kan proyekto ni Antonio da Ponte asin kan ginibo man ni Vincenzo Scamozzi.^[2]

1. ↑ ^{1.0 1.1} Hoffman, Matthew (4 August 2007). "Spot the schoolboy error in the Wikipedia entry". The Independent: p. 47.  cites Giulio Lorenzetti Venice and its Lagoon
2. ↑ "Il Ponte di Rialto: l'enigma del progetto" (in Italian). Archived from the original on May 10, 2006. Retrieved 5 December 2008.  Unknown parameter |url-status= ignored (help)